ළමා වියේ කෙළි සෙල්ලම්....
ගහ කොළ ...නිල්ල නිලපු කෙත් යායවල්..ගංගා දිය පහර වල් එක්ක ගත්වුණ සෙල්ලම් යුගයක් මගෙ බාලකාලෙ තිබුනා...
සෙල්ලම් ගෙයක් ....ඔබ හදලා ඇති...
අපිත් ඒ කලෙ සෙල්ලම් ගේ හැදුවෙ පොල් අතු වට කරලා...පොල් අතුම සෙවිලි කරල....වාසනාවකට ඉටිකොල පොලිතින් වලින් ඒ යුගය බිලි අරන් තිබුණෙ නැහැ
කෙහෙල් පට්ටා හරි කොහු ලණු වලින් හරි කණු වලට ආධාරක බැන්දෙ...හෙල්ලෙන දත වගේ හුඟක් ගෙවල්...දෙවුන්දර ගියාම හැමදාම ගේන වලං අඩුක්කුව තමා සෙල්ලම් ගෙදර බත එලවලු ඉදෙන්න හට්ටි වලං වුණෙ
දෙල් ගහේ සිවිඩි..කෝපි කොල...වදමල්....වැලි බතට එක් වුණ එලවලු වර්ග
කෝපි ඇට...ගම්මිරිස් කරල්...කූඩලු ඇට මල්....ඔය වගේ කී නොකී බොහොමයක් දේ සෙල්ලම් බතට එක්වුණා...
සෙල්ලම් ගෙදරට අමතරව...හැංගිමුත්තන් සෙල්ලම...රටවල් ඇල්ලීම තමා තවත් ජනප්‍රියම සෙල්ලම් ඒ කාලෙ....
රටවල් ඇල්ලීම ගැන දන්නෙ නැති අයට දැනගන්න මේ ලියන්නේ...
වත්තේ තියන ලොකුම ගස් දෙකක් අල්ලාගෙන පිරිස් දෙකක්...ඒ ගස් දෙක තමන්ගේ රටවල් ලෙස නම් කරනවා
ඉන් පස්සෙ....එක රටක අය අනික් රට ආක්‍රමණය කරන්න ඕන...දෙපිරිසම කොහොම හරි අනුන්ව ආක්‍රමණය කරන ගමන් තමන්ගේ රටත් බේරා ගන්න ඕන...
හැන්දෑවෙ ඉර බහිනකල් කරන ඔය සෙල්ලම් නවතින්නෙ අම්මා ඉරටු අරන් එනකොට....
ගං වතුර කාලෙට කෙහෙල් කොට පහුරු හදලා පදින එක තමා කියාපු විනෝදාංශෙ...පහුරට එක්කෙනෙක් නගින කොට දෙන්නෙක් වතුරට වැටෙනව..කොල්ලො කුරුට්ටො වෙච්ච අපේ ලොකු මල්ලි සහ එයාගේ යාලුවන් එක්ක මාත් ඕවාට සහභාගී වුණා...දෙයියන්ගේම පිහිටෙන් හෙම්බිරිස්සාවක් හැරෙන්න වෙන ලෙඩක් දුකක් නම් ඒකාලෙ හැදුනෙ නැහැ
පරිසරයට සමීප වෙන ලමා කාලයක සෙල්ලම් යුගය හැමවිටම ලමා මනසට පෝෂණයක්....ඒ වගේම ඒ කාලයේ සෙල්ලම් තුලින් අපේ දැනුම ..චින්තන කුසලතා...නිර්මාණාත්මක හැකියාවන් දියුණු වුණා....අද දරුවන් පාසලේ පලමු ශ්‍රේණියට ඇතුළත් කලාම ඒක ක්‍රියාකාරකම් ලෙසට උගන්වන්නත් වෙලා....
දරුවන්ගේ සෙල්ලම් ගේ හදන්නේ දෙමවුපියෝ...ඒකත් තරඟයට..අනිකා අභිබවන්න..ස්මහර සෙල්ලම් ගෙවල් හදන්න වඩු බාස්ලත් එනවා
මේ හේතුවෙන් දරුවන් නිර්මාණයන් කරන්නට හැම විටම දෙමවුපියන් මතම යැපෙනවා
ඒ ලමා කාලය දරුවන්ට දෙන්නට හැකි නම් ඔබට....මොන තරම් ළමාවිය සුන්දර වේවිද....
ඒ කලෙ තාමත් මතක් කර කර විඳින්න තරම් සුන්දරයි
Apith oya sellama kala hebeyi nam wenas....
ReplyDeleteApi kiyanne gas kutti karanwa kiyala....
Ehema gas kutti karala duwaddi kambi wetaka petalila wechcha thuwala kelel thama thiyenwa...
පලාතෙන් පලාතට බස් වහර වෙනස් වුවත්...අත් දැකීම් නම් බොහොමයක් එකයි නේද
Delete