Tuesday, March 31, 2020

121. දැන් ඉතින් සිනා වී සමුදෙන්න







බොහෝ මිහිරැති මතක එකතුවක
අවසාන පිටයි මේ දිග හැරෙන
සිනහවක දවටාන ජීවිතය
ආව මේ දුර ගමන වෙහෙසමය
දැන් ඉතින් සිනා වී සමුදෙන්න
මට මගේ ලොව සොයා ඉගිලෙන්න......

විඩාවකි ජීවිතේ ගෙවී ගිය
කිසිත් නැත ඉතින් යළි ගෙනියන්න
ඉතින් කහටක් නොමැති මතකයක
නුඹ සිටී එදා සේ අදතෙක්ම
ඉතින් අපි ආ ගමන අවසන් ය
නළලතට හාදු මල් අකැපමය....

මහා කඳුලක් හෙලා හුස්මකට
හැකිද මේ හැම මතක පිසලන්න
මා ගෙනා බැඳුම් දැන් අහවරය
ඉතින් මට සිනා සී සමුදෙන්න
ඔබෙන් මෙන් ලොවෙන් නැත ලද දෙයක්
සොයා යමි ජීවිතේ ඉසිඹුවක්.....

No comments:

Post a Comment