Tuesday, March 21, 2017

43. ජීවිතය අන් තැනක






ගලන නිල් දිය දහරක
විසුල පිණි පොද සුවයක
හරිත වන ගුල්මයකද
පරව ගිය පත් විසිරෙත...



දෙතොල මී මදු වෑහෙන
තුරුණු බව ඔද වඩනට
සිතක සටහන් බොඳ වෙත
වියැළි පත් නෙතු රවටත....


අසුරු සැණ කල් විසිරෙත
දිවිය එ සැනින් වියැකෙත
සදා සැනසුම් ඉසිරෙත
පතා ඉමි ඒ සුවයම.......


...විසිරි කවි....

20 comments:

  1. මේ තියෙන්නේ මී විත වගේ මත් වෙන කවි

    ReplyDelete
    Replies
    1. ඒ වුනාට මටත් එනවා කාලයක්...මොකුත්ම නොලියවෙන හැමදේම හිස් වෙන..බ්ලෑන්ක් වෙන...

      ස්තුතියි සඳූ

      Delete
  2. ලස්සන කවියක් විසිරී...

    ජයවේවා!!!

    ReplyDelete
  3. නියමයි විසිරි...

    ReplyDelete
  4. කොහොමත් විසිරි ගේ කවි වල එයාටම වෙන්වුණු වෙනම අපුරුවත්වයක් තියෙනවා.
    මේ කවියත් එහෙමයි ,

    හරිත වන ගුල්මයකද
    පරව ගිය පත් විසිරෙත

    අපේ ජිවිතත් මොහෙමයි.

    අපුරුයි විසිරි

    ReplyDelete
    Replies
    1. ජීවිතය බොහොම අපූර්ව තත්වයක් වුණත් අපි ඒක දකින්නෙ එකිනෙකාට ආවේණික විදියට....ජීවිතේ යාත්‍රාව කියන්නෙ මගෙ දැක්ම ට ලඟින්ම යන කෙනෙක් කියලා මම හිතනවා...ඉතින් බොහොම ස්තුතියි මේ දෙන දිරියට

      Delete
    2. :) අමදජපච
      මොනවා කියන්නද මන්දා

      Delete
  5. ලස්සන නිර්මාණයක්.අපේ ජීවිත කියන්නේ උපන්දා ඉඳන් මැරෙන කාලය නෙමෙයි,ඒ අතර තැන තැන තියන නිමේශයන්.

    ReplyDelete
    Replies
    1. මේ කවිය මම ඉස්සරෝම ලිව්ව දවසක...මේකට මම දැම්මෙ මා විසින් පිදුරුතලාගල කන්දෙදි ගත්තු පොගනාටුම් පැලෑටි ගොන්නක හිරවුන වියලි පතක පින්තූරයක්...මට මුහුණු පොතට එය එක් කලාට මේකට එක් කරන්නට හොයා ගන්න බැරි උනා....ඇත්තෙන්ම බක්කරේ....ජීවිතය අතරමග කොච්චර නම් සන්ධිස්ථාන තියද මිනිස්සු නොවිඳින

      Delete
  6. මගේ හීනත් විසුරුවලා දාන්න හිතෙනවා මේවා කියවනකොට.. :)

    ReplyDelete
    Replies
    1. අනේ ඇයි ඉතින් එහෙම නොකර ඉන්නේ...හිතක් විසිරෙන කොට තමා සුන්දර නිර්මාණ බිහිවෙන්නෙ...

      Delete
  7. ලැබේවිද ඒ සුවය කිසිදාක ? අපූරුයි විසිරි !

    ReplyDelete
    Replies
    1. අපි දැන් විඳින සීමාවට එහා මේ දැනීම...බලා ඉමු ඒ සහන් සුව

      Delete
  8. ස්තුතියි වාසිතය ( මිතිල )

    ReplyDelete
  9. එක සිනාවෙන් මත්වෙන
    රැවුමකින් හද ඉරි තැලී යන
    වචනෙකින් හද ඔකඳ වී යන
    ඒ ජීවිතය අන් තැනක !

    ReplyDelete
    Replies
    1. හරි අපූරුයි දුකා.....ස්තුතියි ඔයාට

      Delete