2025(2) Reflection and journalling

                                            Reflection and journalling 

මම මේ දවස් ටිකේ ගෙදර ..මගේ වාර්ෂික නිවාඩු වලින් කිහිපයක් දාලා ඉන්නවා. මාර්තු 31 වෙනකොට මේ වසරට අදාළ නිවාඩු ටික කොහොම හරි ගන්න කියලා මගේ ප්‍රධානියා මට කියනවා. ලංකාවේදී හුඟක් අවුරුදු වල මගේ නිවාඩු බොහොමයක්ම වසර අවසානයේදී ඉතුරු වුනා. සමහර වෙලාවට වැඩ අධික කම සහ විභාග වැඩ එක්ක නිවාඩු ගන්න නොහැකිත් උනා. මෙහෙදී මොන දෙයක් තිබ්බත් නිවාඩු ටික අරගන්න කියලා බේරෙන්න බැහැ.

මේ ඉතින් වින්ටර් එක නිසා ඇවිදින්න යන්න වෙන්නේ එහෙමත් දවසක. ඉතුරු ටිකේ ගේ අස්සෙම ඉන්න වෙන නිසා මම වර්ක් ලැප් එකත් කෝකටත් කියලා ගෙදර අරන් ආවා. අපේ NHS Trust එකේ අපිට තියනවා වෙනම ඔන්ලයින් කෝසස් කරන්න site එකක්.ඒකට ලොග් වෙන්න පුළුවන් අපේ work lap එකෙන් විතරයි. ඉතින් අවශ්‍ය නම් ගෙදර ඉඳන් එකෙන් ඔන්ලයින් කෝසස් කරන්න පුළුවන්.මම මේ දින කීපයට එහෙම කෝසස් කිහිපයක් කළා. 

Mental Capacity Assessment

capacity and consent

Capacity Assessment

Fall and Fall prevention

ඒ අතරට මම සාමාජිකත්වය අරන් ඉන්න Royal College of Occupational Therapist Association එකේ Free webinars වලින් මෙන්න මේ කෝස් එකත් කළා. 

Lats talk - become a leader

මේකේ එක තැනක ඒ දේශනය කල කෙනා කිව්ව දෙයක් තමයි දවසකට වතාවක් තමන්ගේ ඒ දවස තුළ කළ දේවල් ගැන Reflection සහ පිටු තුනක Journal note එකක් ලියන්න කියන එක.

දේශනයට සහභාගී වුන අපි හැමෝටම එන්න ඇත්තේ එකම සිතුවිල්ල. පිටු තුනක් මොනවද ලියන්නේ කියන එක.හැබැයි ඒ දවස තුළ අපේ වැඩකරන අංශයේ හෝ තමන්ගේ ඉලක්ක සහ අරමුණු එක්ක ලියන්න ගත්තාම පිටු තුනකට වඩා ලියන්න පුළුවන් නේද කියලා මටම හිතුනා පස්සේ.

මගේ රැකියාව ගත්තාම නම් හැම රෝගියෙක්ගෙන්ම ඒ දවස තුල මට එකතුවෙන්නේ අලුත්ම අත්දැකීමක්. ඒ වගේම ඇති අනෙක් අයගේ වුනත්.

අපි reflection එකක් ලිවීමේ වැදගත් කම වෙන්නේ අපි කරන ලද්දාවූ වැඩ කටයුතු ගැන ස්වයං විවේචනයක් අපි විසින්ම කිරීම.

සාමාන්‍යයෙන් reflection එකක් ලියන කොට අපිට අන්තර්ජාලයෙන් විවිධ models භාවිතා කරලා reflection එක ලියන්න පුළුවන්. එහෙම නැත්නම තමන්ට නිදහස් ආකාරයට තමන්ම ලියන්න පුළුවන්. මම සාමාන්‍යයෙන් ලියන්නේ HCPC (Health Care Professions Council)එකෙන් අපිට දීලා තියන එකකට. එක හුඟක් පහසු එකක්.

what had happened?

(මොකක්ද වුණ සිදුවීම? අත්දැකීම හෝ සහභාගී වුන කටයුත්ත...ආදිය) 

මෙතැනදී වෙන්නේ අදාල සිදුවීම විස්තර කිරීම. කෙටියෙන් වගේම අවශ්‍ය ම විස්තර ලියලා.

what did you do in that event?

මේකෙදි ලියන්නේ තමන් ඒ අදාල කාරණයේදී කල කි දේ....සක්‍රියව දායක වුනාද? එහෙම නම් ඒ මොනවද? ආදිය 

what did you learn from that event?

ඉන් පස්සේ අපි ලියන්නේ මේ අදාල කාරණයෙන් අපි ඉගනගත්තේ මොනවද කියන එක. සමහරක් වෙලාවට මේ අදාල අවස්ථාව අපිට අලුත්ම එකක් නම් අපි ඒ ගැන මොකුත්ම නොදන්නවා වෙන්න පුළුවන්. අවන්කවම තමන්ගේ උගත් පාඩම් ලිවිම වැදගත්. ඒ වගේම අපෙන් වුන අතපසු වීම්, වැරදීම් පවා ලියන්න පුළුවන් 

If you have another chance to do this again what would you do as a change?

ඉන් පස්සේ අපිට ලියන්න පුළුවන් ආපහු සැරයක් මේ වගේම අවස්ථාවක් ආවොත් මොකක්ද කරන්නේ කියලා. එතකොට අර පරණ වැරදි නිවැරදි කරන් මේ අවස්ථාවට මුහුණ දෙන්න පුළුවන්නේ.

practical steps

හතරවෙනි කාරනේදී අපිට ඉබේම පරණ වැරදි නිවැරදි කරගන්න බැහැනේ...ඒකට අපි ගන්නාවූ ක්‍රමවේද අපි ලියන්න ඕන මෙන්න මෙතැනදී...

මේ සම්බන්ධ පාටමාලාවක් හැදෑරීම 

ඔබේ සහයක නිලධාරියෙක්ගෙන් උපදෙස් ගෙන දැනුවත් වීම.

ඒ සම්බන්ධ ලිපි කියවීම....

වගේ දේවල් .......

ඉතින් මේක හරි අපූරු වැදගත් දෙයක්.....

ඒ වගේම තමයි පිටු තුනක journal සටහනක් ලිවීම . ඔබ ලියන කාරනා වල ඉන්න අයගේ පෞද්ගලිකත්වය සුරැකීමේ වගකීම ඔබ සතු බවත් මේ වගේ journal සටහනක් ලියන කොට මතක තබාගන්න. 

ඉස්සර අපි දිනපොත් ලිව්වා මතකද? ඒ හා සමාන දෙයක් මේකත්..නමුත් මෙතන වෙනස ඔබ ලියන්නේ විශ්ලේෂණය කරන්න අවශ්‍ය කාරනා සමුහයක් වීම.

මම හිතාගෙන ඉන්නවා ලබන සතියේ වැඩට ගියාම මේ පිටු තුනේ journal සටහන ලියන්න ගන්න. Reflection නම් මම කොහොමත් ලියනවා මගේ වෘත්තිමය කාරනා වෙනුවෙන් මගේ portfolio එකට අවශ්‍ය වෙන නිසා. 

මොකද කියන්නේ පොඩි උත්සාහයක් දරමුද? 

මම පසු දවසක බ්ලොග් සටහනකින් මගේ progress එක අරන් එන්නම් .

**************************************************************************

ස්තුතියි කියවන්න ආවාට..

මම විසිරි සිහින ලියන,

කිත්මා වාසනා දහනායක