Wednesday, April 1, 2020

133. හිතුවක්කාර කවි

පුංචි දේටත් හිත රිදෙන කොට
කඳුලු නොසලා ඉන්නෙ කොහොමද
ඒ වෙලාවට හිතට තරහක්
මවාගන්නට දන්නවා..
ඔබ නොදන්නා ගැහැණු ගතියක්
මගේ ගාවත් තියනවා......

හුදෙකලාවේ තනිව යනවිට
මිතුරු ඇසුරක් ලඟ නොමැති විට
කාලයේ මහ නරුම සිතුවිලි
හිතට මහ බර ගෙනෙනවා..
කවුලු දොරකින් පෙනෙන ඈතක
මගේ සිතුවිලි ගලනවා....

සල්පිලක එති දුහුල් සලුපිලි
එකින් එක ගෙන අතාරින සඳ
කවටකමකට ඇදෙන මගෙ හිත
යළිත් සඟවා තබනවා..
ඔබ නාඳුනන මිතුරු සිත මම
ඉතින් අකුලා තබනවා.........


No comments:

Post a Comment